नेपाल सरकार
उद्योग, वाणिज्य तथा आपूर्ति मन्त्रालय
व्यापार तथा निकासी प्रवर्द्धन केन्द्र पुल्चोक, ललितपुर ।
आ. व.२०७५/७६ को प्रथम नौ महिना (श्रावण–चैत्र) अवधिको नेपालको वैदेशिक व्यापार वस्तुस्थिति :
व्यापार तथा निकासी प्रवर्द्धन केन्द्रको प्रारम्भिक तथ्याँक अनुसार आ.व. २०७५/७६ को प्रथम नौ महीनाको अवधिमा नेपालको कुल वैदेशिक व्यापार अघिल्लो वर्षको सोही अवधिको तुलनामा २०.२ प्रतिशतले वृद्धि भई रु. ११३१.४७ अर्व पुगेको छ । कुल व्यापारमा निकासी तथा पैठारीको योगदान क्रमशः ६.२ प्रतिशत र ९३.८ प्रतिशत रहेको छ । समीक्षा अवधिमा नेपालको कुल निकासी १७.५ प्रतिशतले वृद्धि भई रु ६९.८२ अर्व तथा कुल पैठारीमा २०.४ प्रतिशतले वृद्धि भई रु. १०६१.६५ अर्व पुगेको छ । आ.व. २०७४/७५ को प्रथम नौ महीनाको अवधिमा निकासी-पैठारी व्यापारको अनुपात १:१४.८ रहेकोमा आ.व. २०७५/७६ को सोही अवधिमा निकासी-पैठारी व्यापारको अनुपात १:१५.२ रहन आएको छ ।